鄧麗欣（Stephy）本月15日34歲生日，日前她與導演火火為電影《女士復仇》宣傳及接受訪問，火火帶同囝囝到場為Stephy送上生日驚喜，在房間內準備紙炮及蛋糕，Stephy開門時見到大感意外及開心！火火叫囝囝送吻，囝囝怕醜，最後由Stephy主動臉碰臉。
Stephy笑問：「今日做訪問係咪假㗎？係咪專登叫我上嚟切蛋糕？哈哈！好多謝火火嘅心意，希望《女士復仇》大賣！火火仲要係今年第一個送蛋糕俾我嘅男士！」
火火大讚Stephy在戲中的表現，說未見過咁激的Stephy，這個女殺手不易演。他希望下次再合作，他想拍Stephy一身性感打扮打喪屍。Stephy指拍《女士復仇》在酒店困獸鬥，每日由天光殺人殺到第2日天光，那段日子真的不易過。
