【誰是誰非?】周柏豪否認新車阻旅遊巴 網民反指講大話 (17:57)

文章日期:2017年11月13日

剛度過33歲生日的周柏豪,早前購買一部約70萬的新車,而車牌亦和他的個人品牌有關,所以都幾易記,未知是否座駕太搶眼,今日被網民捕獲,有網民今日在佐敦德興街,影到柏豪的新車,並放上一個facebook專頁內,還留言:「有冇人識周柏豪?快啲叫佢返嚟揸走部車。」相中可見,柏豪座駕泊在街尾,當時湊巧有旅遊巴轉入時頂住,未能轉彎,柏豪被網民指其座駕阻塞道路。

柏豪接受傳媒訪問時表示,當時他在車上,他強調自己並無阻擋旅遊巴士,亦無阻街,停泊位置亦非雙黃線,之後旅遊巴士都轉到彎,成功離開,所以問題便解決了。

不過有網民則在下午5時許,在該fb專頁留言玩踢爆:「其實好小事,不過見你咁都講大話,真係唔篤爆你都唔得囉!今日我泊係佢前面,過左(咗)一陣見到有架車,泊左(咗)係轉灣(彎)位,架車又幾靚所以望多眼,原來係周柏豪,泊完架車就同條女行左(咗)入去恆豐中心方向,過左5分鐘旅遊巴就到,轉唔到灣(彎),『呠』左(咗)5分鐘都唔返嚟,我先落車影相,雖然周生架車係黑玻璃,我都行近睇過,一定係冇人喺架車入面,跟住架旅遊巴前前後後好多手先走得甩,仲有佢泊車既(嘅)位置,係有單黃線唔係酒店落客位,既然做得明星就唔好講大話啦!跟(根)本就好少(小)事囉~」

(即時娛樂)