佗住B開工未收到酬勞 孫慧雪呻奶粉錢被走數﹕真係好無良

文章日期:2017年11月15日

【明報專訊】孫慧雪今年7月做媽媽,囝囝「小饅頭」Riley現已是20磅的大隻B,超萌!阿雪努力掙錢,近年轉做KOL又拍廣告,前晚她在facebook大控訴被「走數」,她指在懷孕期間的工作至今仍未收到酬勞。阿雪接受《明報》訪問,表示損失5位數字,經此教訓,以後會先收錢或搵人幫手傾工作。

「要求出糧好似我做錯咁?」

阿雪在網上公開她跟製作公司的WhatsApp照片,是她由6月開始追數至11月的對話,對方一拖再拖。她留言﹕「想問,咁樣係唔係已經走咗我數?其實每次工作我都好盡力同好爽快地完成,然而每次追數都好似我要求人咁,有試過因為爭成年,我先開口問,都被人話我Chur住追數……但我真係做咗!自問都好有禮貌呀?點解要求出糧好似我做錯咁?呢單仲要大住肚來做,我覺得咁樣都走數,真係好無良,我好嬲呀!」

記者聯絡阿雪,提到被走數,她稱知道客戶已付錢,是製作公司「吞」了她的酬勞,涉5位數字金額,對方已失蹤,這筆錢已無得追。她知道自己並非唯一受害者,有藝人也被這公司拖數,經此教訓她會更小心,簽晒文件才做,要先收錢。她稱曾有公司拖欠她6位數字酬勞,追了一年才解決。現在做了媽咪更緊張血汗錢,5位數字金額可以買很多教材給BB呢!

娛樂組

相關字詞﹕每日明報-娛樂