被封為Chef Nic的謝霆鋒，日前在澳門參加米芝蓮晚宴，即場獻技炮製2款甜品，霆鋒以Chok爆表情兼摩打手唧朱古力，舉止型到震，令在場人士嘆為觀止﹑大開眼界﹗
現場有不少人拍片，短片火速在網上瘋傳，霆鋒的Chok爆舉動，成為模仿對象，繼影帝黃秋生以摩打手幫男性友人化妝後，輪到同門的張敬軒挑戰霆鋒。
軒仔聯同鍾舒漫（Sherman）在社交網站，放上打邊爐短片，片中軒仔拿筷子烚肥牛，然後不停攪拌肥牛，模仿霆鋒唧朱古力英姿，最搞笑是軒仔的裝束，驟眼看跟霆鋒相近，原來軒仔將2個生麵放在膊頭，果然有心思，軒仔攪完肥牛後Chok爆轉身，再將膊頭上的生麵拋落鍋內，大功告成﹗
軒仔在facebook說：「南亞人氣組合 鍾舒漫 @chungshersher X弓長苟攵車干 #特別獻禮 #深夜邊爐之 #十二道UP味 #肥牛生麵米痴蓮 #第一個喺公海po嘅post #chef #星夢郵輪 #世界夢號 #特別鳴謝為咗拍呢段嘢同我一齊隊咗四碗生麵嘅鍾舒漫同林欣彤 #我哋有食返㗎 #lowcostcosplay #我全程咬住條脷忍笑」
軒仔擔心霆鋒嬲嬲豬，故先將片段傳給對方備案：「#生麵王 2.0 我驚鋒師兄嬲嬲，send咗條片俾佢報定案，點知佢第一句問我點解唔配樂 我九秒九即配！各位朋友，請將音量收細...... #鋒味 #chokonicchallenge」
