【求婚成功】林師傑宣布封盤:3年前歐陽巧瑩入咗我生命 (18:08)

文章日期:2017年12月31日

29歲林師傑在劇集《愛·回家》飾演木偶哥,給觀眾留下深刻印象。他與2013年參與港姐獲友誼小姐的25歲歐陽巧瑩拍拖3年,一直甜蜜,最近他求婚成功,正籌備婚禮。昨晚一班星夢歌手與老闆何哲圖於《勁歌》頒獎禮後出席慶功宴,big big channel直播期間,何哲圖爆林師傑結婚喜訊。

林師傑講感受時,現場歌手起哄叫結婚,他尷尬將咪遞給何哲圖,何哲圖說:「結婚呢樣嘢已經同師傑溝通咗,叫佢如果遇到珍惜嘅女友就要珍惜,要大膽、勇敢去講畀人聽,拍咗幾年拖要同對方講要定落嚟,師傑就鼓起勇氣同女友講咗啦!」

林師傑接過咪後笑得開心說:「依家正式同大家宣布,我已經封咗盤喇!大家可以盡情去妒忌歐陽巧瑩,羡慕佢,你哋冇機會喇!我個人已經留咗畀佢,哈哈。真係開心嘅!老闆好關心我呢件事,畀咗我好大信心,之前我冇諗過婚姻,以為要搵好晒啲錢,買到樓,搞好晒先去做,係老闆畀咗個好大啟發我,仲幫我擇日,係好感動成件事。」何哲圖再說:「我同師傑話男人唔使搵到晒啲錢先去搵老婆,應該一齊去捱先開心。」林師傑多謝女友:「喺一個唔係咁靚嘅時候,歐陽巧瑩入咗我生命,戇居居同我拍拖,3年後我哋準備籌備結婚,希望大家支持。」由於很多事正安排,結婚日子稍後公布。

(即時娛樂)