【今晚直撃】容祖兒剛從日本旅行返港，落機即出席今晚於中環舉行的《CHANEL Mademoiselle Prive展覽香港站》活動。祖兒透露此行是獨自遊，感到非常滿足，「今次有好多蝦碌事情，因為一個人拖2個行李箱，試過唔小心將行李箱跣落樓梯，踏單車去睇日落回程時，單車的燈又好暗，自己又疑神疑鬼，於是沿路邊大叫邊踏單車。(有和男友劉浩龍提及？)無﹗(會日日找你？)唔需要，去獨自遊原因就是唔想交代太多事情。(報平安總會有？)應該要報都有報，自己承諾每年送一個獨自遊給自己，作為工作上的獎勵。(沿途撞到熟人？)有王菀之及C君，C君掙咁多錢仲叫我埋單，畀他激死﹗」
