商台DJ余迪偉將於4月舉行首個一人劇場《一支弓》，迪偉赤膊上陣，大曬結實胸肌與六嚿腹肌拍宣傳海報。拍攝當日好友林二汶亦有到現場為迪偉打氣，更帶著貼上「加場」及「爆」字的香檳，預祝他開騷大成功！他說:「今次個騷會講自己成長過程，如何由小朋友變到今時今日百毒不侵，海報先給大家一個意想不到的驚喜，是另一面的余迪偉。」
迪偉稱《一支弓》是他事業另一突破，單是宣傳海報也睇到大家「嘩」一聲。他說:「今次真係赤裸入studio，最緊張當然是影出來的效果要靚，要有萬人敬仰的氣勢，事前都有好多準備功夫㗎。」被問及六嚿腹肌與手瓜起𦟌是否他的真身?迪偉賣關子叫大家買飛入場睇騷，到時可能會有答案及意外驚喜。
騷名叫《一支弓》，取「一支公」的諧音，首次單拖開騷，迪偉亦想將另一個自己呈現在觀眾眼前：「大家睇開那個一矢中的、串嘴余迪偉，今次仍然會有，不過整個故事其實是想感動大家，會由我細個講起，所以英文叫Salute to a Little Boy。內容包括我家人、我去外國留學、回流返港的文化衝擊等等。我的經歷同好多8、90年代香港人一樣，事實上香港一直都變緊，大家不要怕改變，change is good！」
