【今晚直擊】惠英紅（紅姐）今晚舉行58歲生日派對，差點兒被賓客鍾欣潼（阿嬌）搶晒風頭，當然紅姐絕不介意，皆因大家都是喜事﹗紅姐笑言明天才是正日，問大家是否看不出她就快58歲，2年後便「登六」，而她今年生日願望是身體健康，但就無想過今年4月金像獎再攞獎，謙稱自己的電影機會較低。
至於是否想沾一沾阿嬌的福氣？紅姐說：「是，最想呢樣，希望過些福氣給我，搵個伴都好，近來真的無追求者，亦不是我眼角高，年紀大過我又未結婚的真係好少。（細過你也可以？）唔太得，我不用成日黐住，都好耐無拍拖了﹗（叫老闆楊受成介紹？）有講過，叫老闆介紹些好嘢﹗（今晚會否不醉無歸？）唔敢，之前《金像獎》那晚飲醉要人抬番去，隱形眼鏡黐住隻眼，要阿妹幫手沖水先除到﹗」
