黎小田昨晚作品展尾場，邀請到曾路得、陳曉東、陳美齡、衛蘭、衛詩、王馨平、蔡一傑等擔任表演嘉賓，由於許志安身患流感而缺席，小田特別向觀眾致歉。而久未在香港露面的周華健選唱《大地恩情》及《英雄故事》，他一邊唱一邊跟現場觀眾握手，大受歡迎，他搞笑謂：「大家都知今晚主角係邊個，不過我今晚係嚟抽水！近年比較少留香港，我經常飛來飛去工作，而香港就係我嘅家，返嚟都想放假陪吓媽媽。」
黎小田表示非常滿意今次作品展，對於他和家燕姐關係變成被玩話題，他自認玩得，不會介意，問2人會否繼續發展下去？他說：「諗諗先，會繼續發展《流行經典50年》，又添食13集，會繼續做！原本我不肯做，但家燕姐叫到，唔可以唔做！（家燕姐位置好重要？）係，佢喺我心目中位置好重要。」
