車婉婉昨晚在她的「高齡日誌」發文，分享囝囝「BBQ」日前出玫瑰疹的問題，BBQ因此腳仔軟又無胃口，整個人感覺瘦晒，令她甚為擔憂，不過幾日後終於恢復過來。
車婉婉留言：「想和各位MaMa分享一下…之前BBQ發燒，原來係有下文！因為佢退燒之後成身出晒紅疹，經有經驗人氏（我細佬）認証後，總結原來佢生玫瑰疹。這個新年前後其實Q氏都在為安撫BBQ而忙碌不已，平時好少扭計的BBQ，突然變成十分腌悶，成日都要黐住我；平時好動又郁身郁勢的BBQ，突然腳仔軟軟站不起來，仲成日戇居居咁；平時好為食的BBQ，已經有4日吃不下正餐，陰公豬成個人瘦哂…Q MaMa擔心之餘身心俱疲，但一直在鼓勵自己不要病倒。感恩，So Far Okay﹗原來出玫瑰疹係會高燒大概3日再出疹大概三日，小朋友才會慢慢的好起來，現在BBQ已經漸入佳境，今天正餐都能吃下，Q MaMa真的非常開心，真係要食番多D補番先得。」
