【上下失守】孖泳兒美國開騷被抽水 張敬軒屁股「遭殃」 (21:34)

文章日期:2018年02月20日

今個農曆新年,張敬軒孖泳兒去了美國內華達州Reno(雷諾)開騷,雖然開騷當天是美國時間初三赤口,但無損觀眾睇show熱情,全場爆滿。

為了照顧不同觀眾,軒仔和泳兒在騷內唱了廣東話、國語、英文甚至閩南話歌。由於大部分觀眾是來自三藩市華人,而且大多是台山人關係,2人還特意學了幾句台山話,跟大家拜年,軒仔笑說:「我小時候整蠱屋企樓下間洗衣店老闆,他是台山人,他會用台山話鬧我衰仔包。」

演唱會當然唔少得握手環節,首先由軒仔打頭陣,點知一開始就中頭獎,被熱情觀眾熒光棒扑中個頭,軒仔表示:「哎吔,你哋唔好扑我個頭啦。」

及後軒仔和泳兒跟觀眾近距離拜年,但顧得個頭又顧不了屁股,當他們唱新年歌medley時,軒仔突然大叫:「哎呀,你們不要搣我啦,唔係中秋節呀﹗」原來軒仔遭搣pat pat。事後軒仔笑說:「沒想過觀眾很熱情,因為我2隻手都好忙,一隻手揸住咪,一隻手收他們送給我的利巿,今次上下失守。」

(即時娛樂)

 

 

 

明報影片