【BBQ都得﹗】半裸玩火拍攝個唱海報 張敬軒變「爐頭」 (14:19)

文章日期:2018年02月27日

張敬軒將於6月15至17日,假紅館舉行「Hinsideout 2018 張敬軒♭♭演唱會」,英皇娛樂斥資逾百萬宣傳費,當中紅隧大型廣告牌率先曝光。日前,軒仔為演唱會拍攝海報,今日他在社交網站上載花絮,今次拍海報去到玩火,被網民瘋狂洗版,不過就切勿模仿呀﹗

髮型師認真地在軒仔頭上噴火,而工作人員就搞笑拿住燒烤叉,在軒仔頭上燒棉花糖和燒雞翼,期間還滴了滴雞油落軒仔額頭,名副其實在軒仔頭上BBQ呀﹗

為什麼出動到玩火那麼刺激?軒仔說:「今次演唱會主題叫『Hinsideout』,希望將我另外嘅幾面、大家喺熒幕外見唔到我嘅、最deep down嘅性格特質變成音樂,帶上舞台畀大家睇。所以我連衫都冇著,個頭頂又起晒火。而火嘅意思,就係我將裏面團火燃燒出嚟。」

相隔四年再在紅館開show,軒仔坦言最難是怎樣突破上次演唱會:「因為2014年有譚玉瑛姐姐嗰part嘅《青春常駐》、有好sexy嘅係我同Shirley姐姐嗰part嘅互動。一眨眼四年過去,今次呢個演唱會做乜嘢好呢?今次會㨂好多我自己鍾意嘅作品、大家好鍾意嘅作品,用一啲好唔同嘅形式去演繹出嚟。」

說回「火頭」先,不說不知,原來這是頭髮treatment─火焰護理,勿看軒仔現鎮定,事前他都有點怯,不過有幕後工作人員試過,也安全無事,整個過程有趣刺激,感覺好正。不過軒仔也窩心提醒大家,treatment經專人處理,大家不要模仿。

(即時娛樂)

 

明報影片