【李菁遺體低調火化】邵音音:骨灰唔會帶返上海 (21:38)

文章日期:2018年03月12日

【今晚直撃】邵音音今晚出席春茗晚宴,被追問有關「娃娃影后」李菁的身後事?音音姐透露李菁的侄女已從上海來港辦理有關手續,已經低調搞好晒,侄女有幾日要去差館處理,而業主亦要求處理乾淨舊居。「聽侄女講李菁有好多東西留低,但她已走了好多日,所以很多東西有陣味道,我又無理由過年去幫她洗乾淨,於是叫她全部掉晒。其實最慘是屋主,發生了咁嘅事…。」

音音姐唔回答李菁是否已落葬,又指她的家人在港逗留一星期,今晚就會返上海,「侄女話李菁生前講過唔喜歡上海,好喜歡香港,所以唔會將骨灰帶返上海。原來她們原先有咁意思,話年年拜她容易些,但邵氏公司已幫她辦好晒,細節方面就唔方便多講。」

(即時娛樂)