【回答我可不可以...】古天樂開金口獻唱《男朋友》 (12:38)

文章日期:2018年03月13日

古天樂(古仔)昨晚以演藝人協會會長身分,出席香港電影工作者總會春茗,古仔受訪時表示,希望個會年輕化,幫多些幕後創作,並提供更多醫療援助。

昨晚春茗另一亮點,而古仔獻Sing,唱自己首本名曲《男朋友》,曾出碟做歌手的古仔,昨晚在眾人起哄下,難得開金口唱歌,同場的J Arie﹑小肥和王梓軒等,更與古仔合唱。

J Arie在instagram上載片段,並留言:「[創舉with love and respect]人生有咩癲得過,喺古天樂古先生面前,大大聲聲唱佢既金曲《#男朋友》佢中途真係有開金口唱架,好爆......真係好爆,因為從來冇人夠膽係佢面前唱,多謝我既No.1偶像古生!!!Respect and forever #回答我可不可以暫時讓我講出感覺後 #才直說你有男朋友現在就要走 #廿四味 #doughboy #王梓軒 #小肥 #波多野裕介 #rubberband #香港電影工作者總會春茗 #獨家 #史上最癲嘅表演 #古天樂」

片中眾人唱得好開心,雖然古仔稍後尷尬,但現場氣氛熱烈,古仔亦唱了幾句,期間王梓軒興奮地想跟古仔擊掌,但未知是否古仔無為意,最後王梓軒只好將手放低。

(即時娛樂)

明報影片