正在籌備5月紅館演唱會和全新廣東專輯的古巨基，新專輯概念是香港故事。這個概念早在去年年初已構思，古巨基為此定下很多歌曲題目，其中一首歌名鎖定為《子華說》，古巨基說︰「子華喺棟篤笑裏面嘅金句，好係香港人喺生活中嘅心聲。例如愛情、上班族、生活日常等，無論乜嘢年紀聽到，都可以從中搵到共鳴位，令你會心微笑。」基仔續說：「非常感謝子華呢次拔刀相助。」
問到子華神為何咁撐基仔，子華笑說︰「我好少幫人結婚時做兄弟，人生都係做過2次，第一次係劉青雲，另一次就係10幾年後幫基仔~好少人請咁大年紀嘅人做兄弟嘅，今次係為咗報答佢~哈哈。」他續說：「其實呢次聽咗基仔講想做隻碟關於香港故事，覺得幾有意思。加上首歌又有林夕阿Mark咁強陣容，多謝基仔呢啲大歌星選中我啫，哈哈~」
問到基仔對子華哪些金句最深刻？古巨基：「最深印象係人生三大矛盾：『搵食啫、犯法呀？我想㗎？！』仲有『落咗妝仲認得嘅叫化妝，落咗妝唔認得嘅叫喬裝。』好多句都好啜核抵死。」更鬼馬嘅係，子華在錄音期間突然靈感大爆發，還即興創作金句，『船到橋頭變林夕』，「做隻貓、做隻狗、做隻出位的馬仔」，可謂為《子華說》添上神來之筆。」
基仔除了要深深感謝子華的出「口」相助，還感謝他多年來為香港人帶來這麼多歡樂。
