【今晚直撃】古天樂今晚再憑電影《殺破狼‧貪狼》，於《香港電影導演會》周年晚宴暨年度頒獎典禮上奪得「最佳男主角」，可謂24小時內連攞2個影帝獎項。古仔表示：「心情當然開心，興奮，其實不是我一個人攞獎，因為大家先有機會攞獎。（對金像獎有無信心？）無想咁多，希望抱輕鬆心情去就好，做好電影，其他事就等天安排。（昨晚與父母有否慶祝？）他們知我攞到第一個電影獎，所以等我返去、摸下個獎，摸完雙雙去瞓，我之後都去瞓﹗」
提到今晚會否上台唱《今期流行》慶祝？古仔表示：「講這些掃興說話﹗（網上有很多人轉載？）知嗱﹗夠嗱﹗畀我休息下好冇﹗（劉偉強話叫你上台唱？）唔好搞到場面咁冷清，人哋食嘢食到嘔就唔好。（是好多人集體回應？）多謝晒﹗拜拜﹗」
