【今日直擊】吳鎮宇、古天樂、張智霖（Chilam）、袁詠儀（靚靚）、佘詩曼（阿佘）和張達明，今午亮相灣仔香港國際影視展中的「耳東影業大型發布會」，介紹他們參與拍攝的電影《洩密者》、《家和萬事驚》，耳東又宣佈將拍攝新版《喋血雙雄》和《書劍恩仇錄》。
Chilam﹑靚靚和阿佘難得同場兼同台，成為另一焦點，事關N年前他們是緋聞三角人物，同台合照時，夾在中間的Chilam明顯硬晒軚，而阿佘和靚靚各自左顧右盼，阿佘表現有點尷尬，直到祝酒時，阿佘主動跟靚靚碰杯，靚靚亦報以微笑。
受訪時，阿佘否認見到靚靚而感尷尬：「點解要尷尬？無喎，傳緋聞是傳媒寫的。」Chilam亦指那宗陳年緋聞別有用心：「其實我們幾個經常在派對上見到。」Chilam和阿佘齊聲指大家碰面有打招呼。
談到Chilam表現硬軚，他笑說：「唔通軟晒，軟皮蛇咩？」講到他刻意站企在靚靚和阿佘中間，他解釋：「大會在地上標了人名，我跟位企。」
靚靚跟達明受訪，談到Chilam硬呔，靚靚說：「正常，有咩出奇？唔企我身邊硬，企邊個隔離硬呀？（阿佘都企在隔離？）都熟的。（你們有幾熟？）其實我們不熟，在公開場合見到會打招呼，我去探班都見過幾次。」
靚靚也否認尷尬：「我點解要尷尬？大人無乜好尷尬，不是小朋友，無諗尷唔尷尬（阿佘尷尬喎？）唔好講呢個話題，唔係幾啱。」
