企靚靚阿佘中間硬晒軚 張智霖﹕唔通做軟皮蛇?

文章日期:2018年03月20日

【明報專訊】張智霖(Chilam)、袁詠儀(靚靚)、佘詩曼、吳鎮宇、古天樂及張達明等昨日出席香港國際影視展中的「耳東影業大型發布會」。現場焦點落在昔日緋聞三角人物Chilam、靚靚和阿佘身上,他們在台上排排企影合照。

記者﹕鍾一虹

攝影﹕黃梓烜

昔日緋聞三角人物張智霖(Chilam)、袁詠儀(靚靚)、佘詩曼昨日在活動上並排大合照,夾在中間的Chilam硬晒軚,兩旁的阿佘和靚靚分別向左望、向右望,阿佘表情似乎有點尷尬,直到祝酒時,阿佘主動向靚靚碰杯,靚靚也禮貌回個微笑。

阿佘﹕點解要尷尬?

接受訪問時,阿佘否認面對靚靚尷尬,她說﹕「點解要尷尬?無尷尬,傳緋聞是媒體寫的。」Chilam亦指那宗陳年緋聞別有用心,他說﹕「其實我們幾個經常在派對上見到。」Chilam和阿佘齊聲指大家碰面有打招呼。談到Chilam硬晒軚?他笑說﹕「唔通軟晒,做軟皮蛇咩!」談到他刻意企在靚靚和阿佘中間?他解釋道﹕「大會在地上寫了人名,我跟位企。」

靚靚﹕探班見過幾次面

靚靚談到Chilam硬軚,她說﹕「正常,有什麼出奇,唔企我身邊硬,企邊個隔籬硬呀?(阿佘都企在隔籬?)都熟的。(你們有幾熟?)其實我們不熟,在公開場合見到會打招呼,我去探班都見過幾次面。」她也否認尷尬﹕「我點解要尷尬,大人無乜好尷尬,不是小朋友,無諗尷唔尷尬。(阿佘尷尬?)唔好講呢個話題,唔係幾啱。」

吳鎮宇讚Chilam扮警察型爆

大會介紹他們參與拍攝的電影《洩密者》、《家和萬事驚》,並宣布將拍攝新版《喋血雙雄》及《書劍恩仇錄》,新版《喋血雙雄》由吳宇森監製、陳十三編劇。《洩密者》導演邱禮濤大讚吳鎮宇和Chilam對戲精彩。鎮宇解釋以前跟Chilam合作好多,已有默契,他笑言﹕「Chilam扮演嚴肅的大馬警察,他扮得咁型是對付我的,全大馬都無咁型的警察。」

■更多娛樂猛料 ﹕ol.mingpao.com

明報影片