李蕙敏(Amanda)早前接受奇妙電視《我老友係明星》主持張學潤（Nel Nel）訪問。兩人識於微時無所不談，Nel Nel笑指對方的外表不太友善，Amanda自爆讀書時也經常被老師視為壞學生，但老師眼中的好學生，放學後吸煙又講粗口。Nel Nel附和說：「做咗呢行完全明白人不可以貌相，好似大家公認、外表好清純那位玉女，私底下真係淫賤不能移！」兩人會意放聲大笑。
Amanda入行多年經歷事業高低起伏，一曲《活得比你好》唱到街知巷聞，《我為我生存》專輯更拿下雙白金唱片。不過，當年的音樂頒獎禮上，卻只得「最佳音樂錄影帶」獎。她苦笑說：「當時我真係黑咗面。」她的運氣就是差少少，原本有機會成為梅艷芳旗下首位歌手，她說：「我係阿梅鐵粉，讀書時成日唱她的歌，更俾人叫我做梅艷芳！後來阿梅想簽我入佢公司，可惜最後都未能成事。有冇遺憾？最遺憾係佢走咗，呢個係大家的損失！」
Amanda的情路經歷也多，她自爆一生中只有9個月時間沒拖拍，身邊男伴車輪轉，始終合不來。直到遇上現任英籍丈夫Serge Micallef，Amanda笑說：「同佢結婚應該係我走投無路，同咗咁多中國人都夾唔到，唯有試下外國人！」Amanda於2013年結婚，婚後嘗試人工受孕，可惜失敗。47歲的她已放棄懷孕計劃，說：「我盡咗力，唔得都無辦法，你知人工受孕對女性傷害好大，會搞亂荷爾蒙，又會影響生活作息，所以我依家隨緣啦！」
