【怕反枱】陳秀雯大讚兒子靚仔 唔敢再講多啲… (16:59)

文章日期:2018年04月02日

陳秀雯昨晚為一連兩場《真.經典電視主題曲演唱會》演出,台上獻唱劇集歌曲外,又談到難忘演出「佘太君」一角,戲裡的兒子何潤東、胡歌及彭于晏,各人都是靚仔,「好似我自己個仔,都是靚仔﹗」

陳秀雯完騷後受訪,自爆在後台等演出時心跳加速,「始終少出台,可能是缺氧,不是緊張,哈哈,我見劉雅麗自然到好似等巴士。(會不會多接騷當操練?)要睇睇,唱一次要好多準備工夫,好多都已做過,現在心態覺得Feel Good先做。」

提到台上公開大讚兒子靚仔,陳秀雯指兒子無打算入行發展,「不要睇我好似好青春,我個仔30歲喇,不過我覺得自己都似30歲,他已讀完書、有工作,細個時真的不准他入行,想他讀好書,鼓勵他參加歌唱比賽,只是想他練膽量。(兒子已娶老婆?)我再講…他返去反枱㗎啦﹗我都唔心急飲新抱茶,唔想輩分太快升高。」

(即時娛樂)

RELATED

明報影片