【輪流爆料】周慧敏雷頌德當年扮唔知拍拖 古巨基笑老婆著露臍裝 (17:48)

文章日期:2018年04月04日

古巨基(基仔)下個月將於紅館舉行演唱會,優先訂購一開即爆,為了答謝歌迷反應熱烈,基仔昨晚舉行2場線上直播音樂會,分別是「浴室Music Live」及「阿基廚房」私人派對,兩者合共過百萬人同步觀看,相當犀利。基仔先與樂隊齊齊穿上浴袍㚒歌,期間還讓歌迷點歌,唱出范曉萱的《我愛洗澡》及劉德華的《馬桶》。之後第二場更請來周慧敏、雷頌德及雷太、森美等,再為大家帶來驚喜,關心妍、方力申及容祖兒也被吸引上網支持。

雷頌德與周慧敏更爆基仔料,雷頌德指當年扮唔知基仔與太太Lorraine拍拖很辛苦,直至基仔搵他寫歌給Lorraine,聲稱要結婚,才令他大鬆一口氣,之後不用再煩,但有網民抵死留言,指他為黎明守秘密同樣好辛苦。周慧敏就爆古太的秘密,未拍拖前會穿短裙仔及低領衫,拍拖後就好大轉變,大熱天時著裙會加打底褲,總之包到實一實,「我硬係感覺到他兩個是有嘢,我識古太還早過基仔,不過我和阿Mark一樣扮唔知囉,明明見到古太成個人打扮變晒都唔出聲囉,哈哈﹗」

基仔無介意好友爆料,自己亦爆埋一份,「我無迫老婆著得密實,當年她第一次帶我入電台派歌宣傳,她著露臍裝,成個肚臍比我睇晒,我睇到眼到突埋,哈哈﹗」古太昨晚不停被歌迷及網友呼喚出來,可是她堅持低調,依舊躲起來不肯亮相。

(即時娛樂)