胡琳新專輯《Moments》今日推出，她一大早到太古城買碟取個好意頭，期間巧遇一男一女粉絲，向她索取簽名及合照，她有求必應，男粉絲高呼：「我真係好幸運呀！要買六合彩。」胡琳透露新專輯錄了11首新廣東歌，笑言此舉屬「可持續發展」：「今次放咗好多自己的創作，包括5首自己作曲同2首填詞作品，令新碟更有自己想法、更個人化一點，希望打後每做一隻碟都可以令人更加了解我的內心世界。」會否入多點貨送給親友？她笑說：「會叫朋友支持，我覺得無論出碟定開演唱會，最緊要是自己鍾意聽先好買，不會為撐場而逼朋友去聽不鍾意的，咁好冇道德，我唔會做，哈哈！」
