【明天28歲】唔敢搵苑瓊丹集郵 吳業坤:佢係另一種氣場 (18:39)

文章日期:2018年04月17日

【今日直撃】吳業坤(坤哥)今日在電視城拍攝新劇《反轉貴利王》。提到明日(18號)28歲生日,他表示要在工作中度過,所以今晚會與同劇的鄭則仕和邵美琪等人在拍攝中倒數:「成個禮拜都要開夜廠,我已經不斷跟大家講我生日呀,他們叫我自己買蛋糕返來跟我慶祝,但我趕唔切。看看之後有無朋友有心幫我補祝生日囉。(有咩生日願望?)希望今年唱到一首劇集主題曲或片尾曲。(這要問胡鴻鈞讓路?)係囉!胡鴻鈞畀下面啦,唔好搶晒歌曲來唱!(無想過拍拖?)這個隨緣,不心急,我最近車都賣埋,做個無慾無求的人。」

談到早前自爆要向苑瓊丹集郵,坤哥說:「唔夠膽,她的氣場又是另一種來的,傾偈都唔敢,我真係接不到她。雖然在現場一班人都會有講有笑,但我都係匿埋Maggie(邵美琪)後面。」

(即時娛樂)