【入行受盡批評】欣宜憶肥姐爆喊:好大遺憾佢睇唔到我紅館第1個演唱會 (11:48)

文章日期:2018年04月22日

鄭欣宜首踏紅館的《Break A Leg演唱會》昨晚首場開騷,向來眼淺的欣宜,最初刻意收起淚水,表現成熟一面,但獻唱最後一首歌時憶起亡母肥姐(沈澱霞),終於忍不住爆喊。

當欣宜獻唱歌曲《擁抱愛》時,全場觀眾亮起手機燈的場面,令她感動得一度哽咽,仍能強忍淚水繼續,但到尾聲唱出《給最開心的人》送給肥姐時終失守缺堤,獻唱前欣宜娓娓道出心底話:「這個騷有好多人幫我、惜我,本應應該很知足、很開心,但仍然有一個好大遺憾,就是她看不到我在紅館第一個演唱會,朋友同我講她一定響度,成個過程她都陪住我身邊,直至今日都陪住我跳、陪住我笑、陪住我喊,將最後一首歌送畀我最愛。」

欣宜入行時受盡批評,她有感而發讀出草蜢金曲《失樂園》歌詞「結果我共你,仍然逃不過被圍攻、被捨棄」來形容當時心情,「我成日畀人批評,但無放棄自己,就算我知自己是負分,都想盡努力由負分變零分,再一分一分加上去,我深信只要堅持努力,總有一日會合格,希望大家看完今晚演唱會,畀一個公道的分數我。」成功實現紅館夢,她不禁興奮地笑道:「相信只有夢想堅持可成真,我的紅館夢想成真了!要計劃第二個夢想,搵返個Dream Guy結婚生仔。」

(即時娛樂)

RELATED

明報影片