陳柏宇（Jason）和懷孕太太符曉薇，近日爆出棄養狗隻風波，事後2人再三強調，從無棄養愛犬之意，昨天符曉薇已在社交網站，解釋有關誤會，今日符曉薇再在instagram撰長文，表示自己和Jason都是愛護動物之人，她說：「平時啲網上言論點踩我都可以，但一講到動物﹑遺棄，呢樣真心介意。」
她說：「今次哩（呢）件事真係經一事長一智，差d（啲）跌入情緒失控哩（呢）個陷阱，可能懷孕情緒有d（啲）偏激，不過今次真係多謝身邊d（啲）朋友同網上d（啲）朋友關心同鼓勵，原來仲有好多人支持同相信，平時d（啲）網上言論點踩我都可以，但一講到動物 遺棄哩（呢）樣真心介意，識我地（哋）既（嘅）人都知道我地（哋）好愛動物，寧願自己無位訓（瞓），訓（瞓）得唔好，都比佢地（哋）上床（牀）訓（瞓） 因為佢地（哋）鐘（鍾）意，所以為左（咗）佢哋安全健康，我哋搵左（咗）好多方法。」
符曉薇亦坦言很多人只在網上看到幾隻字，就作出判斷，兼用非常差勁的言語攻擊：「點解喺大家判斷嘅時候，唔去了解嘅真相，知唔知道當一個人脆弱嘅時候，就係一句不負責任嘅評論，可能會影響到一個人生或者甚至一個生命，有句我老公講得好啱，當你指住人哋責罵人嘅時候，有冇企喺人哋嘅角度思考？或者去了解真相。」
