被翁靜晶質疑報細6歲 52歲劉嘉玲﹕呢啲嘢真係無得呃

文章日期:2018年04月27日

【明報專訊】52歲劉嘉玲近年熱愛行山,日前她在社交平台分享捉實樹幹吊吊揈的短片,充滿活力。53歲翁靜晶看到關於嘉玲的報道後,在社交平台留言﹕「嘉玲明明大我幾歲,今天竟然比我細了一歲,咁奇怪都有?」她憶起自己12歲時在劉芳剛導演家中見過劉嘉玲,指對方當時已經是大人。對於歲數引起疑問,劉嘉玲昨晚出席國際知名化妝師Charlotte Tilbury進軍亞洲市場的慶祝派對時,指自己是1965年12月8日出生,沒有報細,認為最重要健康及開心,不會害怕變老。

記者﹕林蘊兒

攝影﹕鍾偉茵、黃梓烜

翁靜晶在網上提出疑問後,有網民說﹕「網上資料寫劉嘉玲是1965年出世,如果1964年出世的翁靜晶12歲時見過已經是大人的劉嘉玲,即係當年是1976年?佢(劉嘉玲)咁早已經入咗行咩?」翁靜晶留言回應﹕「肯定58歲。」

稱1965年12月8日出世

劉嘉玲昨晚被問到此事,她笑笑口說﹕「我唔知佢(翁靜晶)根據什麼憑據話我報細咗,她在我印象中是好叻的女仔,好似係律師,應該所有資料預備好,無理由會睇錯。如果照她講,我是58歲的話,咁我媽咪是15歲時生我,但應該生唔到。我真係1965年12月8日出世,她好似仲大我一歲。」

不怕變老 健康開心就得

提到翁靜晶說12歲在劉芳剛家中見過嘉玲已經是大人?劉嘉玲聞言說﹕「唔知喎!呢啲嘢真係無得報細,我17歲時先去劉老師屋企,我是1980年來香港,1982年報考藝訓班。」

會否跟翁靜晶對證?嘉玲覺得不需要﹕「咁又唔使,呢啲無得報細,點呃呢?只要在網上一查就知,我媽咪是1944年出世。總之我健康、好開心,會慢慢變老。我不怕變老,預計自己老時會變成滿頭白髮、滿臉皺紋的老太婆。」

指翁靜晶可能認錯人

劉嘉玲跟翁靜晶不熟,她指翁靜晶比她早拍劇集,當年拍《荳芽夢》已好紅,她才去讀訓練班,可能認錯人。她有感而發道:「人愈大、年紀愈大,好多嘢會唔記得,但我的生日一定記得。我對今次事件不會嬲,可能她搞錯,或者我keep得比她想像中後生,我都賺咗6、7年。」有網民讚她愈來愈可愛?嘉玲自言保持有童真,特別在大自然的懷抱時,似變回小朋友般。

■更多娛樂猛料 ﹕ol.mingpao.com

相關字詞﹕每日明報-娛樂