古巨基今晚在紅館舉行第二場演唱會，開場唱了兩首快歌後，突然發生小意外，當台上道具飛機收起一刻，基仔不慎跌入舞台的大窿內，嚇得全場嘩然，舞台隨即熄燈，令全場觀眾甚為擔心。基仔大約15分鐘後現身，他說：「冇事，大家放心﹗」並稱會繼續，台下目測基仔正常，不見有明顯傷痕，之後獻唱《必殺技》，全場觀眾為他歡呼打氣。但基仔唱完落台時，不時撫摸條頸，看來十分之痛。
英皇高層霍汶希了解意外過程後，亦透過短訊回覆：「基仔剛才在升降台跌咗落去，好彩只是跌親，應該可能條頸有啲跌到，所以現在全部人過去紅館睇佢，等佢唱完歌都可能會去醫院照一照，他現在仲唱緊歌，傷勢應該唔係好重﹗」
