【紅館意外】古巨基背脊落地 救護人員即場檢驗 (22:26)

文章日期:2018年05月11日

古巨基紅館第二場個唱出意外,他於開場唱完歌後忘記升降台已落下,要收起時光機,基仔不慎向後跌落升降台,令全觀眾觀大為緊張,古巨基太太目睹即上前睇老公,工作人員亦快速叫救護人員即場檢驗傷勢,只見基仔未有郁動,瞓在地上。

基仔經救護人員檢驗後,認為無大礙再度上台報平安,他說:「無問題,係我錯,係我唔知道唔記得咗,時光機個位,冇問題,多謝你哋,願意喺到等番我上來,我好想繼續落去,我盡力繼續落去,冇事,大家不用緊張,不用擔心,冇事,上天會保佑我,冇事。我行到係咪?」全場觀眾報以歡呼聲以示支持,令基仔好感動:「會用最大努力演出回報大家,暫時講咁多先,唱《必殺技》﹗」之後他又忍不住說:「我係背脊落地,安全冇事。不過一陣如果換衫位耐啲,跳舞梗啲!大家體諒下。」

這一晚嘉賓有陳豪、陳茵媺、陳慧嫻、容祖兒及鄭世豪等,當中鄭世豪更拍下基仔受傷前後的片段,並上載到個人社交平台上。

(即時娛樂)