古巨基昨晚在紅館舉行第2場演唱會，不慎發生墮台意外，基仔墮下2呎舞台，墮台一刻畫面曝光，看到也覺牙煙，當時前往捧場的基仔圈中好友，包括容祖兒和蔡卓妍等，也嚇到面色大變，還第一時間衝返後台了解情況。而英皇老闆楊受成得知基仔發生意外，亦第一時間趕往紅館了解。
意外發生後，基仔倒臥於台底地上，工作人員移開大型道具飛機，聖若翰救傷隊人員到台底為基仔檢查，一直倒臥台底的他，被通知先不要急著起來，等救護人員指引，救傷人員為他檢查過手腳沒大礙後，基仔才獲准慢慢站起來，期間專業精神及責任心極重的基仔，完全沒理會自己傷勢，有人提議停止演出，馬上召救傷車到醫院檢查，但基仔輕聲說：「我覺得我可以繼續唱。我想繼續唱。」
由舞台消失了15分鐘的古巨基，再緩緩升上台，他用手捽一捽後腦，堅強地笑住跟觀眾話：「冇問題，係我錯，係我唔知道唔記得咗時光機個位，冇問題，多謝你哋願意喺到等番我上來，我好想繼續落去，我盡力繼續落去，冇事，大家不用緊張，不用擔心，冇事，上天會保佑我，冇事。我行到係咪？講到邊到，我由頭來過啦。」講到「7年冇聽紅館聲音！」觀眾歡呼聲隨即四起，基仔好感動：「我會用最大努力演出，回報大家。暫時講咁多先，唱《必殺技》！」
其後基仔回到後台，如常更換舞衣，唱《歡樂今宵》時還懂說笑：「把聲仲靚咗！」又喺台上話：「係背脊落地，唔係個頭，大家唔好擔心！不過一陣如果換衫位耐啲，跳舞硬啲！大家體諒。」昨晚基仔的父母亦有捧場，基仔特別於台上報平安，向雙親表示說：「阿爸阿媽我冇事，不用擔心。」
完騷後基仔在經理人霍汶希（Mani）和工作人員陪同下，坐車到醫院求診，基仔成個人「僵直」，他當時表示條頸「梗咗」，幸檢查後肌肉拉傷，骨骼無受傷。
