9月預產期 BB性別保密 Rosemary做孕婦瑜伽唔敢再倒吊

文章日期:2018年05月19日

【明報專訊】名模Rosemary與印度籍富商丈夫Jason結婚約3年,終於造人成功,日前在社交平台公布懷孕22周喜訊。準媽咪Rosemary昨日出席「港安醫院慈善基金」活動,向來擁曲線身形的她穿上吊帶長裙,上圍明顯升cup,反而肚子未算太凸。Rosemary表示為腹中BB有更多營養,現在已由食素改為食肉,又指會繼續做瑜伽,但一些高難度動作,如倒吊瑜伽就不會再做。

懷孕5個多月的Rosemary昨日出席活動時心情大靚,她說﹕「我估上圍升了一個cup,著瑜伽衫要穿鬆身一點。最近開始趁開倉大減價掃BB用品,但我和老公都不知如何入手,都會問好友Ana R.意見。」

上圍升cup 少少凸肚

預產期在9月,Rosemary希望BB與自己同月同日出世(9月18號),方便丈夫容易記,但因她打算順產,所以未知會否如願。身為瑜伽導師的Rosemary仍有繼續做孕婦瑜伽和行山當運動,問之前懷孕期間做倒吊瑜伽是否適當?她說﹕「其實當時唔知自己懷孕,之後醫生叫我不要再做這類危險動作,故現在不再玩高難度瑜伽。」

她感恩首次佗B沒有孕吐,所以不感辛苦。問到胎兒性別,Rosemary保持神秘道﹕「佗得好順利,已照過超聲波,我亦感覺到是仔定女,不過暫時不會公開性別,我與老公對生仔女都沒所謂,大家都鍾意小朋友。」她承認為了造人,事前已戒酒和調理身體,所以今次有喜是計劃之內。

讚丈夫細心好sweet

Rosemary甜笑讚丈夫好sweet,對她細心照顧,又爆老公日前還親自下廚煮牛扒,令之前食素的Rosemary破戒品嘗。她說:「我食素已幾年,為了令BB有營養才轉回食肉。不過胃口有變,好鍾意食牛肉、意大利粉和pizza,反而不喜歡食菜。」記者笑指胃口大變,可能是佗仔?她即大笑拒回應。

記者﹕林蘊兒

攝影﹕孫華中

■更多娛樂猛料 ﹕ol.mingpao.com

明報影片