梁靖琪(Toby)與圈外男友Jon愛得甜蜜,她前晚出席活動時容光煥發,承認跟Jon已拍拖一段時,雖然暫未有再婚打算,但已視對方為Mr.Right,Toby讚男友好好,大家又志趣相投,喜歡健身﹑做運動和行山,表現合拍。而Jon亦跟Toby的朋友玩得埋,昨日Toby相約好姊妹鄧穎芝(Vangie)﹑鍾麗淇及幾位圈外朋友遊船河,預祝Vangie生日,而Jon亦做跟得男友,偕Toby出席。
而Vangie還上載與Toby的全身泳照,相中的Toby皮膚確實黝黑過Vangie好多,Vangie說:「佢(Toby)真係黑過我,有相為證,哈哈。」