「愛妻號」李克勤陪太太睇眼鏡 劉嘉玲孖好友睇靚衫 (18:00)

文章日期:2018年5月24日

【娛事追擊】李克勤和老婆盧淑儀今午拍拖遊中環置地,未見2個囝囝,他們發現記者時,有跟記者打招呼,然後急急腳行入店內,原來「愛妻號」克勤陪老婆睇眼鏡,之後知道記者仍在正門等候,便由後門撇甩記者,2公婆去了取車,記者在停車場門口等候,克勤老婆見到有記者,立即戴上墨鏡,然後坐車離去。

另外,劉嘉玲今午亦單拖到置地一間時裝店,相隔不久嘉玲好友鄧霓儀入店內陪她睇衫,可能知道有記者在場,嘉玲一個人步出店鋪,再到另一間店繼續shopping。

(即時娛樂)