【龍虎豹蛇齊腳】最後一刻攞到簽證 容祖兒給阿嬌驚喜 (17:10)

文章日期:2018年05月25日

容祖兒日前發現簽證過期,未能見證好姊妹鍾欣潼(阿嬌)與未婚夫賴弘國結婚,但今日又有新進展,祖兒自嘲「傻人有傻福」,最終又順利攞到簽證,不過上機前一刻又忘記帶身分證,落機又唔見帽,總之甩甩漏漏之下,在美國跟阿嬌、阿Sa(蔡卓妍)及鄭希怡見面,難得「龍虎豹蛇」齊人,即時在社交平台分享這份喜悅。

祖兒表示:「傻人有傻福,經歷了最驚險的4天,機票改了又改,噚晚出境又唔記得帶身分證,在飛機又成晚瞓唔着,到埗後仲唔見咗頂帽,頭大容量細的悲歌,總之過程唔重要最緊要結果,我終於在,可以給我最親愛的嬌一個驚喜,開心感動刺激兼而有之,我嘅人生好像過山車一樣。祝明天一切順利﹗#龍虎豹蛇」

阿Sa亦有笑祖兒,她說:「Finally!!!! 經過數日嚟嘅努力,終於噚日攞到簽證,即刻買到機票飛過嚟!! 真係孝感動天。#齊腳 #開枱 #全世界最大頭嘅容祖兒 #去到機場又唔記得帶身分證 #仲跌埋頂帽係(喺)機場 #係咪激死 #不過過程唔重要 #最緊要結果」鄭希怡亦指今次齊人可謂得來不易,認為姊妹同心,其利斷金。

(即時娛樂)

明報影片