【烏龍外遊】梁芷珊花1300港元買隱形眼鏡:好肉赤 (13:37)

文章日期:2018年05月28日

沐浴愛河中的梁芷珊,本身有深近視,經常要戴隱形眼鏡,否則什麼也看不見,已有多次出門經驗的梁芷珊,每次外遊都會帶備隱形眼鏡,但近日她去了英國倫敦,竟然遺忘帶隱形眼鏡出門,她只好在英國購買,但原來在英國買隱形眼鏡,要有處方先可購買,若在一般眼鏡店訂貨,要2個星期才到貨,梁芷珊在facebook撰長文吐苦水:「唔得喎,無眼鏡我死得㗎喎!」

梁芷珊續說:「咁有咩辦法呢?辦法是找一間剛好有該近視度數存貨的眼鏡店,即場找合格驗光師驗眼,然後買眼鏡。

好辛苦才找到一間有存貨又有驗光師的,問她有沒有大眼con,她問我在說什麼...好,細眼con都殺,但又原來在英國不可以只驗近視,要驗埋有無青光白內障等等,才可以配眼鏡。好,都驗啦,驗了45分鐘,終於買到隱形眼鏡,一盒約£25,價錢跟香港差不多,但找數時共付£127,即港幣$1300呀!

驗眼費90磅,還要加稅,好貴!

好嬲自己,小時候返學唔記得帶功課,修女會說:「唔記得唔記得,你會唔會唔記得帶對眼出門口吖?」會㗎,原來。好肉赤!喺倫敦,一盒士多啤梨才2磅,而我用£90去驗近視!

唔好再唔記得帶嘢,唔好再唔記得帶嘢,唔好唔再唔記得帶嘢,重要嘢要講三次!好,講完,但我仲係好嬲我自己!」

(即時娛樂)