吳鎮宇與張智霖（Chilam）可謂合作無間，在無綫劇集《衝上雲霄II》的「Sam哥」、「Cool魔」形象更已深入民心，最近兩人再合體主演電影《洩密者們》，化身香港和馬來西亞警察聯手查案。
鎮宇笑言今次扮警察辛苦過扮飛機師，「上次演飛機師，去歐洲國家取景都是食西餐，今次辛苦在多美食，去榴彈山拍飛車場面，Chilam『萬歲』請食榴槤，替身飛緊車，我們就在側邊食榴槤。」當講起榴槤，Chilam即滔滔不絕說：「拍呢套戲我們個胃飽飽滯滯得好緊要﹗在檳城拍攝期間，不停食榴槤，好Happy﹗原來榴槤分好多品種，除了貓山王，仲有『林鳳嬌』與『成龍』，『黃飛鴻』與『十三姨』，點解以林鳳嬌命名，有說她食過那個品種說真的好味，但是買榴槤那天『林鳳嬌』沽清了。」笑問食不到「林鳳嬌」有否感到可惜？Chilam為鎮宇擋駕叫不要答，而鎮宇大無畏直說：「我覺得這些品種的命名是賣噱頭，都是喜歡食正宗的。」
鎮宇大爆Chilam以前對榴槤不感興趣，還會藐人食榴槤，Chilam亦坦認以前不懂欣賞，後來終被人同化，現在變得好沉迷，戲言為要顧及對手感受，食榴槤時會「Cut晒」所有親熱戲，但未及鎮宇的境界，食完榴槤再飲酒。
