【女神唔易做】4部大風扇吹足成日 佘詩曼拍廣告勁標眼水 (16:24)

文章日期:2018年06月06日

佘詩曼(阿佘)日前拍攝喉糖廣告,每當有人喉嚨出現小毛病,便會「仙女下凡」出場。阿佘今次亦被身上的「仙女裝」考起,皆因導演為了拍出仙氣散發的效果,出動4部大風扇及派出多名工作人員,服侍阿佘的長長拖尾裙,「咁熱天氣拍呢個廣告真係好舒服,因為每個鏡頭都有4至5把風扇吹住我。但同時拍呢個廣告都唔簡單,大家睇見我好靚、好似仙女咁,其實幕後好多工作人員幫手,因為條裙有四邊,要唔同方向拉起條裙先有飄逸感覺,加上導演要求高,所以有啲鏡頭拍咗好多take﹗」

阿佘由於長期迎面吹風,一雙電眼勁流眼水,不禁笑言女神唔易做,「我對眼是最辛苦,因為吹足成日,對眼係咁流眼水,真係女神唔易做,我哋背後都付出咗好多,多謝工作人員同攝製隊,希望大家都會鍾意我呢個新廣告。」

(即時娛樂)