【奸角大聯盟】導演爆《東方華爾街》陣容夠拍三部電影 (22:53)

文章日期:2018年06月14日

《東方華爾街》播映第一季的結局篇,監製嚴嘉念(Cora)及導演黃國強(KK)約埋劇中一班反派演員,羅家英、張雷、梁健平、張松枝、吳浣儀等率先睇結局,睇完就急不及待圍埋講戲經。家英哥看畢結局後,禁不住讚賞導演,他說:「今次《東方華爾街》不論導演、監製、編劇都好好,質素好高,今次可以說是為香港增光,為香港爭回很多面子!」

導演KK說:「其實明明係劇集,最後搞搞下配音去東京、北京,mixing又去到泰國⋯⋯我都有壓力,Cora要求好高,由籌備到而家差不多3年,諗諗下自己都覺得這部劇有3套電影資源,單是演員已經可以分3套電影來拍!今次是好的學習同嘗試,有公司、平台配合,聽到演員們讚賞,當然好開心!希望日後有多些機會其他同業交流。」

(即時娛樂)