【細女爆喊】兩女揀玩具唔揀媽咪 蔡少芬:太令我失望! (22:09)

文章日期:2018年06月15日

蔡少芬(Ada)帶同兩個囡囡張楚兒和張信兒一齊上內地真人騷節目《不可思議的媽媽》,昨晚播出第一集,Ada帶住兩個囡囡一齊整曲奇餅,不過她的普通話發音一向成為笑話,在節目中她都堅持要兩個囡囡講普通話,結果笑料百出。

Ada稱只帶一個女不太公平,所以一次過帶兩個女參加節目,節目中兩個囡囡要在玩具和「媽咪陪伴卡」兩者揀一樣,點知楚兒好快就揀玩具,搞到在偷拍電視旁觀看的Ada說:「太令我失望!」

節目組工作人員解釋沒有選擇「陪伴卡」的話,Ada就不可以陪伴她們兩個,嚇到細女信兒即時爆喊,話要返香港搵媽咪,而家姐楚兒比較淡定說:「假呀!媽媽無死!」Ada見狀即時現身安慰,搞笑說:「媽媽無死!」

(即時娛樂)