細女出世半個月 大仔呷醋鬧情緒 蔡雪瑩︰喊住叫媽咪30次 (13:10)

文章日期:2018年06月16日

前新聞小花蔡雪瑩前年為丈夫誕下現年1歲多的兒子Wesley,早前再誕下細女Sheryl。雖然兒子也很喜歡妹妹,但就因為媽媽要分出時間照顧妹妹而鬧情緒,時時刻刻都要有媽媽在身邊,令蔡雪瑩非常頭痛。

蔡雪瑩昨晚在社交網分享Wesley睡在妹妹身邊的照片,留言︰「在醫院回家前,婦產科和兒科醫生已分別提醒我要好好注意哥哥的情緒,初期可能會未能接受妹妹分薄了他的注意 ,婦產科醫生說:『嘩,世界上最正嗰樣嘢要同人分,俾(畀)我都發癲!』🤡」

「起初我有質疑自己係咪世界上最正嘅嘢,畢竟除咗我,阿仔有一半時間都要跟工人,但原來小朋友識得分媽咪先係對佢最重要嘅,呢兩星期以來,只要我唔喺身邊就會喊住搵媽咪😦 好似琴(尋)晚咁,因為我要餵妹妹人奶,叫工人帶阿仔到另一間房瞓覺,點知阿仔喊到拆天,叫媽咪叫咗三十次都有,太可憐之下我忍唔住去攬返阿仔,返到我身邊佢情緒先安定咗,仲好乖咁拍拍錫錫(惜惜)妹妹然後乖乖瞓覺呢😘」

「雖然要餵人奶又要湊住個咁痴(纏)身嘅哥哥,我實在比生完上一胎攰唔止兩倍,但同時被兩個小天使需要嘅感覺真係好好,見到佢哋一日一日成長,好快兩兄妹會有個伴,不禁覺得好幸福,對將來充滿憧憬😇希望我們一家一直美滿下去💕」

(即時娛樂)