張敬軒昨晚第二場演唱會，有《宮心計2深宮計》的胡定欣做嘉賓，軒仔台上以「降兩度」身分說：「我覺得你今日好靚！平日電視睇你著咁多布，今晚做咩著咁少呀？今晚見你著時裝，差點認你唔到呀...高低眉！」胡定欣即反撃說：「搶你風頭呀！我夠平日見你著開西裝，今晚見你著女裝，我都差點想...嘔呀﹗」全場觀眾歡呼大笑。
軒仔表示他與胡定欣已經相識十多年，定欣曾為他的歌曲《餘震》做MV女主角。胡定欣坦言軒仔每次開演唱會都會來捧場，同時心想會不會有一日能夠上台做嘉賓，終於今次等到了。
軒仔台上更播出打電話邀約時的對話，軒仔說：「給大家聽，雖然她已經貴為視后，但其實仍是一個細路女。」胡定欣在電話中十足中大獎一樣，不停說：「哎吔，我好開心呀，我好緊張呀，我今朝先瞓呀！我好想快點天光呀，可以快點去解決，我係咪好低能呀？」
原來胡定欣開心又緊張，結果成晚都唔瞓，等到天光即刻打電話給監製申請假期為做軒仔嘉賓。
