【So Sweet】岑麗香千字文感激公司上下多年來照顧 (16:45)

文章日期:2018年6月17日

已跟無綫(TVB)約滿,目前身在加拿大的岑麗香在社交網寫下千字長文,多謝TVB的一眾幕前幕後同事對她多年來的照顧,上至高層,下至保安員及清潔姐姐也有提及,還包括傳媒及觀眾朋友,認真Sweet﹗ 

相關新聞︰約滿無綫 已隨夫返加拿大定居?岑麗香有說話想同粉絲講... 

她中英夾雜地寫著︰「我還記得我第一次踏入TVB去參選國際中華小姐...我不敢相信那麼多年已過去及我們的合約已完結。言語未能充分表達出我心底裏對TVB家庭的感謝、尊敬及欣賞。呢咁多年唻(來)我相信神係擺咗好多天使係(喺)我身邊... Ms Lok, 你一直保護同埋教導及指引我,因為你唔想一個傻傻地(哋)嘅我行錯路。沒有說話可以表達我對你的感謝,我的mamabear,多謝。」

「珍姐-你相信我這個女演員,在我夢想的演戲事業上給予機會,多謝。」

其他新聞︰人前強擠笑容 陳家樂維護余香凝︰不能讓她獨自承受壓力 

「Sandy姐,您一直鼓勵我要“be myself”我會記住,多謝!💛 Felix, 我知道你每一套TVB劇都有睇,多謝你教我什麼是勤力!💪🏼 8樓藝員部同事,多謝你們一路以來咁錫(惜)我,教我咁多野(嘢)同埋陪我成長。❤️ 多謝監製︰ Joe,俾(畀)我香香公主呢個名的德哥baba,家豪哥,忠哥,聲哥,Nelson,莊生,岳少,材叔,阿細,徐生,俾(畀)我機會發掘我自己對演戲嘅愛。感謝你們。💙 多謝咁多位梳頭化妝服裝同事,唔止(只)令到我每日都可以靚靚,仲同我補習中文添﹗😆 多謝咁多位保安員及清潔姐姐,當我06:00開工好攰嘅時候,簡單嘅對話令我笑同充滿正能量﹗💜」

「所有幕前幕後同事朋友,沒有你們的保護、耐性、指引、鼓勵及教導,就不會有今日觀眾認識的香香公主。感謝你們一步一步陪我成長。作為以TVB自豪的女兒,我帶著不捨得及永遠感恩的心去迎接未來。感謝傳媒和觀眾朋友的關心和愛護,我暫時俾(畀)心機同屋企人放假,讓身體回復最佳狀態﹗放完假再努力工作,到時再見✌🏼 」

(即時娛樂)

 

明報影片