【丈夫同告受傷】王君馨東廊撞車 坐救護車入院時竟然問... (18:00)

文章日期:2018年06月17日

【有片睇】王君馨(Grace)與丈夫Daniel今日下午乘的士去銅鑼灣,途經東區走廊時遇上交通意外,的士跟尾隨車輛相撞。王君馨與老公同告受傷,幸沒有大礙。她在社交網拍片及留言交待情況,寫著︰「今日坐的士約咗爸爸喺銅鑼灣食父親節飯,無端端喺東區走廊我哋加(架)的士好快咁剎(煞)車,啱啱趕得切冇撞到前面架車,跟住就即刻俾(畀)後邊架車撞。胸部頸部同背脊有少少Chok親。老公個頸同埋頭有少少Chok親。之後落車比(畀)口供,影到撞到我哋嗰架車炒到咁,好彩冇人大受傷。」

「第一次坐真正嘅救護車,身為小演員的我當然有少少好奇,問長問短,仲問佢哋有冇睇動人的時光(棟仁的時光)。😂 15分鐘後到灣仔Ruttonjee Hospital(律敦治醫院)。 一個鐘頭內,睇咗醫生寫咗報告,落咗口供,攞咗消炎藥同藥膏離開。醫生話骨同埋神經線冇事,應該係拉傷肌肉,休息幾日應該冇事,感謝神 !🙏🏼 多謝所有警察哥哥,救護人員同埋醫生護士的照顧,令我哋每一刻都可以放心。🙏🏼🙏🏼🙏🏼 A bit shaken by everything that just happened, but feeling safe and happy to be alive. 唯有下次先同爸爸食餐好嘅!祝各位父親,平平安安,健健康康,父親節快樂!」

(即時娛樂)