【堅持剃腳毛】紫髮始祖楊千嬅笑問降兩度:你幾時會嫁? (15:36)

文章日期:2018年6月19日

張敬軒的6場紅館個唱,今晚舉行尾場。昨晚的第5場個唱,容祖兒﹑蔡卓妍﹑許廷鏗﹑吳浩康和薛家燕等捧場,星光熠熠,而楊千嬅則擔任嘉賓,她與「降兩度」(軒仔)合唱《可惜我是水瓶座》,歌迷反應熱烈。

唱完後,降兩度跟千嬅打招呼,並笑言為了迎接她,專誠將頭髮染成紫色:「你睇吓我個頭髮,特登為你做呀!你係紫色頭髮始祖嘛!你係天后你教吓我呢啲後輩...」

千嬅笑言:「咁我咪即係你祖先?我呢啲下面升上來,點會仲係天后?我已經變咗娘娘啦﹗大家都係水瓶座,我大你一個圈,我估我做得你阿媽喎!」降兩度再說:「咁邊個係我阿爹?」千嬅笑稱:「冇呀,你睇我就知係單性繁殖你啦,所以你咪似青蛙囉。」

千嬅再說:「見到你今日咁努力,上台係唔容易事,無論有幾多經驗都好,重要好有堅持先得,你做到啦,做到一個令人感動的騷。」降兩度聞言說:「係呀,我真係好有堅持,日日堅持返去剃腳毛...我唔介意畀你摸吓。 」

摸完降兩度大腿,千嬅問對方:「聽講你噚日有個好震撼嘉賓喎...」降兩度聞言即嫌棄:「唓,唔關我事,係嗰個張敬軒請,關智斌個啲,濕濕碎啦!」

沒料到千嬅竟然問:「咁你幾時會嫁?唔係,我幾時有個女婿?定係娶新抱?但係你依家咁樣,真係唔係好得喎,你要執執先,執完返上嚟就有姻緣啦。」聽到叫結婚,觀眾即時起哄,降兩度即說:「原來我今日係求姻緣,我快啲落返去執吓先。」

(即時娛樂)

明報影片