【好人好事】難得有心人 張敬軒在大樹下愛的呼喚 (21:34)

文章日期:2018年06月22日

張敬軒在紅館舉行六場演唱會已圓滿結束,現場觀眾為Kenny(關智斌)兩度在舞台上現身跟軒仔合唱而激動,也有為軒仔哭悼因癌症病逝的男歌迷而感動。張敬軒的愛何止在舞台上散佈,6場演唱會有逾7萬現場觀眾,他們收到的場刊也感受到軒仔的善心。留意場刊的其中一頁,是「大樹下善待動物庇護站」的宣傳廣告,這個資源缺乏的組織,錢已花在照顧老弱無依的貓狗身上,怎會花錢賣廣告?原來是軒仔做的好事。

「大樹下善待動物庇護站」的義工日前在facebook透露這鮮為人知的故事。義工JoJo寫道:「6月8號晚,距離(張敬軒)演唱會開show仲有幾日。突然收到軒仔嘅電話,話佢已留咗一版場刊比我登大樹下嘅廣告,嗰一刻真係好感動,真係眼濕濕,佢話希望讓七萬幾人認識大樹下,希望幫到啲動物,真係好感動。藝人臨近演唱會前一定不停排舞、練歌...總之好忙,但呢個軒仔,真係好有心,就連場刊嘅嘢佢都事事親力親為。真心多謝你軒仔,我有好多朋友聽到你喺台上有講大樹下,我啲朋友都話好感動。大樹下,真係有福氣!」據知軒仔過往也有捐助「大樹下」,真係出錢又出力。

(即時娛樂)