廚藝差仲整喊細路 胡定欣怕嫁唔出急澄清︰唔關我事㗎 (12:14)

文章日期:2018年6月23日

胡定欣日前相約蘇永康、胡杏兒與丈夫李乘德見面,蘇永康帶埋囝囝Jazz現身。一歲的Jazz可能開始識得怕陌生人,一被胡定欣抱住就喊唔停,搞到定欣非常無奈,只好扮喊埋一份。

胡定欣留言︰「唔關我事架(㗎),唔關我事架(㗎)🙈 我地(哋)明明襯左(咗)色,應該係同一隊。Jazz...你俾(畀)下(吓)面姐姐啦﹗我已經俾(畀)人知道我係『地獄廚神』,煮野(嘢)食係『生』架(㗎)啦,如果再俾(畀)人知道整喊細路,我.....😩 應該嫁唔出架(㗎)啦😭😭😭 啦...下次再見你,你要笑(吓)下啦﹗知道嗎? #阿公 #你應該俾(畀)佢同你地(哋)睇多d(啲)深宮計 #聽埋我首主題曲 #做埋我fans」

蘇永康就回應︰「皇后敬請息怒,微臣教子無方,令皇后陷於忙亂,微臣實在罪該萬死 🙏 感激皇后心胸廣闊澤(宅)心仁厚。皇后乃萬凰之皇(王),他日定能覓得如三郎馬仔般之如意郎君👍👍ps︰Jazz 嚎哭與皇后之地獄廚藝絕無半點關係😂😂 」

(即時娛樂)

明報影片