梁漢文（Edmond）昨晚相約朋友睇世界盃賽事，豈料卻發生意外，Edmond頭撼枱角，血流如注，要入院做手術。
今日Edmond拍片講述事發經過，戴上口罩的Edmond，額頭貼了大塊紗布，他憶述事發經過：「成個世界盃我冇出去睇波，噚晚心血來潮，打畀朋友，問佢喺邊，朋友喺卡拉ok，我話正喎，緣分到喇，咁一齊睇場波，睇咗半場後，朋友話唱支歌嚟聽，我話唱乜嘢，佢想聽『一世一次戀愛』，跟住較暗啲燈再唱，就係因為較暗啲燈，睇唔到前面有一級，行前一kick，個頭直接撼落枱，聯咗37針，（傷口）長度7cm，深到見骨，依家要做嘅嘢做晒，等緊埋單，多謝大家關心。」
相關新聞：【今朝做手術】唱K唱到撞枱角撼傷額頭 梁漢文：流血不止
至於為何要縫37針？因為醫生想Edmond靚仔些，所以愈縫得細密，個傷口疤痕會好看些。據Edmond助手表示，他已經出院返家休息，精神奕奕，笑言「頂頭槌」都仲得，而Edmond照過腦掃描後乜事都冇，並照原定計劃今個13號飛俄羅斯睇世界盃。
