謝賢（四哥）昨晚跟前妻狄波拉（拉姑）及拉姑老公鬍鬚Kong﹑胡楓和薛家燕，出席鮑魚宴宣傳活動，年逾80歲的四哥心情大好，無所不談。
問到可會再拍旅遊節目？他說：「有人請我什麼都做，真的不是講假，但不知是否嫌我老呢？我現在還這麼好魄力。」
可要嚴選對手免再與曾江合作？他即大爆：「黐線﹗我和他不知幾friend，當時做戲之嘛！真到不得了。」那修哥被弄至飛甩眼鏡咪好慘？他笑言：「是他自己專登做的，真的看不到他用手指撳住副眼鏡嗎？呢條友老戲骨來的，好戲過我們好多，我都是學他。其實嗰一巴問過4個人邊個做，個個叫我去擺我上枱，我個人又無所謂，醒他一巴好威咁，真係幾過癮，但後尾不過癮了，個個指住我來鬧，幾陰功呀！做埋晒啲咁嘅衰嘢！」
問有否有相約曾江飲茶？他說：「我們點止飲茶，打完他當晚我還請他食雪糕，等他冷番，全部是假的，現在先爆都未遲，出盡辦法做宣傳，幾衰呀！是我謝老四咁蠢，所以胡楓不做，本來叫他做的，但他真的不似，成日講嘢呀呀呀呀⋯⋯，鬼聽咩﹗」
