【回復單身】跟CoCo分手收場 81歲謝賢嘆生活枯燥乏味 (14:30)

文章日期:2018年7月4日

年逾80的謝賢(四哥)昨晚出席鮑魚宴宣傳活動,心情大好,無所不談,四哥表示跟拍拖多年的CoCo分手收場,現時生活枯燥,四哥受訪時直認無拖拍,與親友大呻好悶,他說:「一個人住一間屋,起身就望住個海,食飯又一個人食,你話幾枯燥呢!直頭好似坐監咁樣,真係好陰功。所以現在有少少嘢搵返我做就開心啲,《12道鋒味》有時搵我出吓鏡都幾好啦!多兩個錢使吓都好,平時真的一條『冷』,屋企又大。」

問四哥有否見孫仔?他透露很規律兩個星期一定會見一次,只是孫仔現在年紀還小,不理解與爺爺什麼關係:「現在是阿爺睇個孫,不是個孫來探我,不過看著他們個心會甜。」

相關新聞:【原來係做戲】自揭怒摑曾江真相 謝賢:個個指住我嚟鬧... 

「新抱仔」王菲可有探望他?他則說:「阿菲做咩來探我?探都係探個仔啦!(希望霆鋒再婚?)這是我個仔的私事,我當然想個仔好開心做人,但這些私事他怎會和我傾,我舊時拍拖都無話畀我老竇聽啦﹗」

(即時娛樂)

明報影片