王賢誌（Vinci）日前乘搭飛機前往鄭州，由於他於起飛前50分鐘才到機場，時間太趕關係未能讓身後同樣趕時間的女士先辦理登機手續，結果遭對方將事件擺上網公審，更被窒天秤座的他「好厚粉」。王賢誌落機後就收到朋友傳給他的網上截圖，知道自己被人公審。雖然如此，他沒有動氣，還在facebook留言向對方致歉。
他寫著︰「一落機，已經收到朋友send嚟，某位小姐嘅post...其實當時business class check in counter條隊只得兩個人排，我排第一，呢位小姐排第二...我自己亦確實幾趕，我飛鄭州班機係12︰50起飛而我差不多12點先到機場...隔離econ class counter又完全冇人排緊，所以我提議呢位小姐過去嗰邊可能仲快啲...」
「我承認我冇讓俾（畀）呢位小姐，如果因為咁令到佢覺得唔舒服，抱歉﹗厚唔厚粉？見仁見智啦...不過我真係第一次聽人講天秤座嘅人都好厚粉，又長知識嘞﹗Have a happy weekend everyone!! 🤗🤗🤗 #估唔到飛緊都有是非 #是非比飛機傳得仲快 #下次都係早啲出機場」
