胡楓:佢成世講大話 謝賢稱摑曾江屬宣傳伎倆

文章日期:2018年7月12日

【明報專訊】胡楓(修哥)昨日出席《野生救援‧無綫電視合作備忘錄簽訂儀式》活動,對於謝賢(四哥)指當日怒摑曾江事件是宣傳伎倆,事發時在場的修哥說:「佢話係咪係囉!所以話呢……傳媒將舊聞摷番出來。(是四哥重提舊事。)我話佢使擇日子呀!(四哥有無講大話?)我點知佢!佢成世講大話,尤其對女人,但對我忠誠,呃我都是飲茶食餐畀錢,他同我打桌球,耐不耐就輸畀我,不過打賭食餐就贏我了。」四哥指他用手扯甩眼鏡作配合好戲,修哥指着自己的眼鏡說:「我副眼鏡喺度,我當然好戲,好戲過佢。(有無覺得四哥玩大了?)點知佢,佢講嘢時,我聽不到。」至於四哥自爆回復單身獨自進餐很悶,修哥抵死說:「你話佢知,慢慢就習慣!」

陳庭欣指男友見家長過關

同場的陳庭欣被問是否享受熱戀期?她甜笑說:「正常生活,根據我的經驗,剛開始拍拖會甜蜜,最緊要每日保持這樣。」她稱父母快將60歲大壽,希望安排全家秋季旅行慶祝。會否邀男友同行見家長?她稱:「之前他在聚會上已見過父母,無聽見父母評價,即是無問題。」

記者:鍾一虹

明報影片